Mae’r wefan hon yn defnyddio cwcis. Drwy barhau i ddefnyddio’r wefan hon rydych yn rhoi eich caniatâd i gwcis gael eu defnyddio.

Ein Rhwydwaith

Mae ein rhwydwaith yn cynnwys môr o brofiad, cymwysterau, sgiliau ac arloesedd o bob sector.

Pierre Codron

LinkedIn

Pierre Codron

Aelod Cysylltiol

Mae Pierre yn athro ysgol uwchradd cymwysedig ac yn hyfforddwr ac ymarferwr adferol hyfforddedig. Yn ystod y 15 mlynedd ddiwethaf bu’n bennaeth blwyddyn mewn ysgol gyfun yng Nghaerdydd lle y gwnaeth polisïau ac ethos adferol wella canlyniadau’r ysgol ynghyd â’r perthnasoedd rhwng y staff a’r disgyblion. Treuliodd Pierre y 6 blynedd ddiwethaf yn rhoi’r rhaglen adferol ar waith yn yr ysgol, gan arwain un o’r timau arbenigol.

Ar hyn o bryd mae Pierre yn hyfforddi yn ymgynghorwr seicodynamig, person-ganolog ym Mhrifysgol Gorllewin Lloegr ym Mryste ac yn rhedeg ei bractis lles ei hun yng Nghaerdydd. Bydd yn cychwyn ar ddiploma dwy flynedd i raddedigion ym mis Medi 2017 yn astudio Gestalt yn ogystal â dwysáu ei wybodaeth o’r ddwy ddamcaniaeth arall.

Mae profiad gan Pierre o weithio mewn carchar yn fentor ar gyfer cynllun mentora Through the Gate, PACT yn helpu i ail-sefydlu cyn-droseddwyr yn eu cymunedau wedi iddyn nhw gwblhau eu dedfryd yng Ngharchar Ei Mawrhydi Caerdydd, Pen-y-bont neu Eastwood Park.

Yn ddiweddar mae Pierre wedi derbyn rôl gydag elusen fentora leol lle y mae’n cydlynu mentoriaid gwirfoddol ac yn sicrhau y gellir eu paru’n dda gyda mentoreion bregus posib o bob cefndir a rhwng 5 a 28 oed. Mae’n darparu cyfnod cynefino a hyfforddiant hefyd ar gyfer y mentoriaid gwirfoddol ac yn eu cynorthwyo i sefydlu eu perthynas fentora. Yn rhan o’r rôl, mae Pierre hefyd yn mentora pobl ifanc bregus a heriol yn rheolaidd yng Nghaerdydd a’r Fro.

Ym Mhartneriaeth Gweithredu Adferol Cymru mae Pierre yn weithiwr cysylltiol sy’n cyflawni hyfforddiant adferol yn ogystal â gweithio yn ymarferwr achosion sensitif a chymhleth.

Darllen mwy >

Sousila Pillay

Sousila Pillay

Aelod Cysylltiol

Graddiodd Sousila â gradd BA (Anrh) mewn Cymdeithaseg a Throseddeg cyn cymhwyso yn Gynghorwr lle y bu’n defnyddio’u sgiliau yn y Gwasanaeth Prawf ac yn gyfrifol am sefydlu gwasanaeth Cynghori yn Hosbis Dewi Sant yng Ngogledd Cymru. Sousila oedd y person cyntaf i gael ei chyflogi gan Gyngor Bwrdeistref Sirol Conwy yn Ymgynghorydd Llawrydd ar Ymddygiad Ffordd o Fyw yn gweithio ar raglenni ffitrwydd a ffordd o fyw, ac yn Ymgynghorydd Ymddygiad Disgyblaethol yn gweithio ochr yn ochr ag unigolion o fewn y broses ddiswyddo.

Yna symudodd Sousila i Gaerdydd lle y bu’n Gynorthwyydd Addysgu am 5 mlynedd yn Ysgol Arbennig Tŷ Gwyn ar gyfer disgyblion ag anghenion cymhleth, ac mae ganddi brofiad o weithio gydag Awtistiaeth ac Anawsterau Dysgu Dwys a Lluosog (PMLD) hefyd. Sousila oedd cynghorwr dros y ffôn cyntaf Tenovus, a hynny wedi iddi dreulio blynyddoedd yn Gynghorwr Childline. Fe wnaeth ei gwaith ym maes Ymgynghoriaeth Ymddygiad barhau pan ofynnwyd iddi arwain hyfforddiant mewn Newid Ymddygiad yn Effeithiol ar gyfer Iechyd Cyhoeddus Cymru, Bwrdd Iechyd Prifysgol Aneurin Bevan yn 2017. Fe wnaeth ei diddordeb mewn Troseddeg barhau a dechreuodd Sousila symud i drywydd Cyfiawnder Adferol gan gymhwyso yn Ymarferydd ar ddiwedd 2017 a chwblhau Diploma yn Iaith y Corff yn 2018.

Yn y gorffennol bu Sousila yn Eiriolwr Iechyd Meddwl, mae profiad ganddi o weithio gyda phobl ifanc ac oedolion bregus, yn ogystal â phrofiad o fod yn siaradwr gwadd, ac am flynyddoedd buodd wrthi yn cyflawni gweithdai un-i-un a grŵp ar Lesiant. Mae hi wedi cymryd rhan hefyd mewn rhaglenni ITV yn cynghori ac yn cynnig awgrymiadau’n ymwneud â llesiant.

Ar hyn o bryd mae Sousila’n aros i glywed a yw hi wedi’i derbyn ar y Bwrdd Monitro Annibynnol ar gyfer Carchar Caerdydd.

Darllen mwy >

Pierre Codron

LinkedIn

Pierre Codron

Aelod Cysylltiol

Mae Pierre yn athro ysgol uwchradd cymwysedig ac yn hyfforddwr ac ymarferwr adferol hyfforddedig. Yn ystod y 15 mlynedd ddiwethaf bu’n bennaeth blwyddyn mewn ysgol gyfun yng Nghaerdydd lle y gwnaeth polisïau ac ethos adferol wella canlyniadau’r ysgol ynghyd â’r perthnasoedd rhwng y staff a’r disgyblion. Treuliodd Pierre y 6 blynedd ddiwethaf yn rhoi’r rhaglen adferol ar waith yn yr ysgol, gan arwain un o’r timau arbenigol.

Ar hyn o bryd mae Pierre yn hyfforddi yn ymgynghorwr seicodynamig, person-ganolog ym Mhrifysgol Gorllewin Lloegr ym Mryste ac yn rhedeg ei bractis lles ei hun yng Nghaerdydd. Bydd yn cychwyn ar ddiploma dwy flynedd i raddedigion ym mis Medi 2017 yn astudio Gestalt yn ogystal â dwysáu ei wybodaeth o’r ddwy ddamcaniaeth arall.

Mae profiad gan Pierre o weithio mewn carchar yn fentor ar gyfer cynllun mentora Through the Gate, PACT yn helpu i ail-sefydlu cyn-droseddwyr yn eu cymunedau wedi iddyn nhw gwblhau eu dedfryd yng Ngharchar Ei Mawrhydi Caerdydd, Pen-y-bont neu Eastwood Park.

Yn ddiweddar mae Pierre wedi derbyn rôl gydag elusen fentora leol lle y mae’n cydlynu mentoriaid gwirfoddol ac yn sicrhau y gellir eu paru’n dda gyda mentoreion bregus posib o bob cefndir a rhwng 5 a 28 oed. Mae’n darparu cyfnod cynefino a hyfforddiant hefyd ar gyfer y mentoriaid gwirfoddol ac yn eu cynorthwyo i sefydlu eu perthynas fentora. Yn rhan o’r rôl, mae Pierre hefyd yn mentora pobl ifanc bregus a heriol yn rheolaidd yng Nghaerdydd a’r Fro.

Ym Mhartneriaeth Gweithredu Adferol Cymru mae Pierre yn weithiwr cysylltiol sy’n cyflawni hyfforddiant adferol yn ogystal â gweithio yn ymarferwr achosion sensitif a chymhleth.

Sousila Pillay

Sousila Pillay

Aelod Cysylltiol

Graddiodd Sousila â gradd BA (Anrh) mewn Cymdeithaseg a Throseddeg cyn cymhwyso yn Gynghorwr lle y bu’n defnyddio’u sgiliau yn y Gwasanaeth Prawf ac yn gyfrifol am sefydlu gwasanaeth Cynghori yn Hosbis Dewi Sant yng Ngogledd Cymru. Sousila oedd y person cyntaf i gael ei chyflogi gan Gyngor Bwrdeistref Sirol Conwy yn Ymgynghorydd Llawrydd ar Ymddygiad Ffordd o Fyw yn gweithio ar raglenni ffitrwydd a ffordd o fyw, ac yn Ymgynghorydd Ymddygiad Disgyblaethol yn gweithio ochr yn ochr ag unigolion o fewn y broses ddiswyddo.

Yna symudodd Sousila i Gaerdydd lle y bu’n Gynorthwyydd Addysgu am 5 mlynedd yn Ysgol Arbennig Tŷ Gwyn ar gyfer disgyblion ag anghenion cymhleth, ac mae ganddi brofiad o weithio gydag Awtistiaeth ac Anawsterau Dysgu Dwys a Lluosog (PMLD) hefyd. Sousila oedd cynghorwr dros y ffôn cyntaf Tenovus, a hynny wedi iddi dreulio blynyddoedd yn Gynghorwr Childline. Fe wnaeth ei gwaith ym maes Ymgynghoriaeth Ymddygiad barhau pan ofynnwyd iddi arwain hyfforddiant mewn Newid Ymddygiad yn Effeithiol ar gyfer Iechyd Cyhoeddus Cymru, Bwrdd Iechyd Prifysgol Aneurin Bevan yn 2017. Fe wnaeth ei diddordeb mewn Troseddeg barhau a dechreuodd Sousila symud i drywydd Cyfiawnder Adferol gan gymhwyso yn Ymarferydd ar ddiwedd 2017 a chwblhau Diploma yn Iaith y Corff yn 2018.

Yn y gorffennol bu Sousila yn Eiriolwr Iechyd Meddwl, mae profiad ganddi o weithio gyda phobl ifanc ac oedolion bregus, yn ogystal â phrofiad o fod yn siaradwr gwadd, ac am flynyddoedd buodd wrthi yn cyflawni gweithdai un-i-un a grŵp ar Lesiant. Mae hi wedi cymryd rhan hefyd mewn rhaglenni ITV yn cynghori ac yn cynnig awgrymiadau’n ymwneud â llesiant.

Ar hyn o bryd mae Sousila’n aros i glywed a yw hi wedi’i derbyn ar y Bwrdd Monitro Annibynnol ar gyfer Carchar Caerdydd.